අපේ ගෙදර දඟකාරී

සමනලයෙක් වගෙ අහිංසකයි
මලක් වගේ හැඩයි කදිමයි
චූටි නංගිව දකින කවුරුත් කියන්නේ එහෙමයි…
එයාගේ දඟ වැඩ දන්නේ ගෙදර අය විතරයි

අම්මගේ සාරියක් ඇඳන්
පාසැලක් දමයි තනියෙන්
වැඩ නොකර දඟ කරන ලමයින්ට හරි සැරයි ඈ නම්

මගේ කාඹරයට රිංගාලා
පොත් සියල්ලම ඇද දමලා
අකුරු ලියනව කියා සිතලා කුරුටු ගා දමලා
අහිංසක ලෙස හිනා වෙන්නේ ටිකිරි දත් පෙන්නා

අම්මගෙන් ගුටියක් වැදුනොත්
තාත්තා පොඩ්ඩක් සැර උනොතින්
අඬාගෙන විත් තුරුළු වෙයි මට පුංචි දඟකාරී

මරා දැමීමට නොහැකි වී… කවිය

දුවගෙන යන්නට ගව් ගණනක් ඇතිමුත්,
පියවරක්වත් නගාගත නොහැකිව වැතිරී ඔහේ සිටියෙම්
මරා දමන්නට වෙර දරමින් කවි කාරිය…
එහෙත්,
ඈ මිය නොයන්නී…සිත තුලම කවි ගෙත්තම් කරන්නී…
ජීවිතය යදින්නී…බලන බලන අත සොඳුරු සිතිවිලි මවන්නී…
එහෙයින්…
මියෙන්නට යළි ඉඩ නොදෙමී…රකිමී…කවිකාරී…

කවිය මියැදුනාය – the last post by Rathutharuwa.

අන්තිම කඳුළු බිංදුවත්
ගලාගිය පසු යළිදු හැඬුමකට ඉඩ නොතබාම
හිතේ කොණකින් රුවක් මතු වී මොහොතින් අතුරුදන් වෙද්දී
ඉකියකටවත් සවියක් තවත් ඉතිරි වී නැති මා ළඟ
කවදා කොහේදී හෝ දැක පුරුදු මතකයක් සෙවනැලි අඳී

අනේ මා මේ තරම් හැඬෙව්වේ කිමැයි
පිළිතුරක් ඔබ ළඟත් නැති අපූරුව
සසර ඉම කෙදිනවත් ආයිමත් මා හඬවන්න
ඔබේ ඒ මහා පාවාදීම තව වරක් කරන්නට නැත හසර
යලිදු ඔබව හමුවන්න පතා නැති නිසාවෙන්

පුංචි මා නෙත් ලඟට මගේ සිහිනය දකින
හසරැල්ල ගෙනෙන්නට දැකපු මිරිඟුව ලඟට
ගොඩට ගෙන මිහිදන්ව තිබුනු මගෙ හීන දෙණ
අරුමයක්මැයි විඳින’යුරු ඔබේ ජීවිතය

බොල් අහස, රළු පොළොව සුළඟවත් නොදන්නා
කිසි කලෙක කිසිවෙකුත් කිසිත් දැන නොගන්නා
රිදුනු හිත කෙදිනවත් සුවපත් වන බව ඔබත් නොදනන්නා
කවිකාරි මියැදුනා ඔබ කියයි ” She had a thing for me (not that I am the one who started it first) I think she went through a mid life crisis. Good that she is gone.It was not healthy. (was not healthy  for ME)

දොස්තර නැන්දා

මගෙ බණ්ඩිය හොඳටම රිදුනම  වැටිලා ඔළුව බිම ඇණුනම

අම්මා මාව එක්ක යන්නෙ

බෙහෙත් ටිකක් අරන් දෙන්න

තිත්ත උනත් දෙන බෙහෙත්

උණ ගැනෙනා එන්නත්

දොස්තර නැන්දා අපිට ආදරෙයි හුඟක්..

වෙද නලාව කරේ දමන් සුදු කබාය ඇඟේ දමන්

“මොකද පුතේ උනේ?”කියා

අහනව හරි කරුණාවෙන්..

තිත්ත උනත් දෙන බෙහෙත්

උණ ගැනෙනා එන්නත්

දොස්තර නැන්දා අපිට ආදරෙයි හුඟක්..

කෑමට පෙර අත සෝදා නිවපු ජලය බොන්න කියා

බිම වැටිලා තියෙන කෑම කෑවොත් ලෙඩ ගොඩයි කියා

නින්දට පෙර දත් මැදීම හොඳම පුරුද්දක්ය කියා

පුංචි අපිට කියා දෙන්නෙ අපෙ මේ දොස්තර නැන්දා..

තිත්ත උනත් දෙන බෙහෙත්

උණ ගැනෙනා එන්නත්

දොස්තර නැන්දා අපිට ආදරෙයි හුඟක්..

The Truth

තරණය කල කලට කන්දක්
බැස්මක්ද හමුවේ
වැටුණු කල බිම
නැගිට යළි යන ගමණ යා යුතු වේ..

සිත රිදවු අය කෙදිනවත් යළි ඒම සැක මුසු වේ..
සැනසුමට ළඟ සිටිය අය මිස
කවුරු වෙද මෙලොවේ..

දුදන ගති ඇති දනන් ළඟ වැඩි ඇසුර හොඳ නැති වේ
නපුර කල අය වෙතට දඬුවම්
සොභාවෙන් ලැබ දේ..