මට ඇත්නම්….

958003959_0054cb72f2

එකම එක වාරයක්

නිල් තුරු සළුව යටින් නිදහසේ පියනගන්නට ඇත්නම්..

තරු වියනක් යට සඳ සේළයට ගුළි වී සැතපෙන්න ඇත්නම්…

පියාපත් යුග විදා එකම එක වාරයක් විසල් නුඹ ගැබ පුරා

පියාඹා යන්න ඇත්නම්..

මහ වාළුකාවේ දිය පොදක් වී

මේ මහපොළොව සිඹ්න්නට ඇත්නම්..

මහා ගිරිකුළු මුදුනකට නැග

මේ ලොවට කොයි තරම් ආදරේදැයි කෑගසා කියන්නට මට ඇත්නම්….

Advertisements

මේ කොඩිය යටට එන්න.. පසුවදන

c4, බින්කු, චානක ,අනුරාධ, කුමාර සෙනෙවිරත්න සහ හර්ෂ, ඉස්සර වෙලාම ස්තූති කරන්න ඕන ඔයාලා හැමෝටම. එල්ල කල ගල් සහ මල් වලට. එක එක්කෙනා එක එක විදිහට මේ නිසඳැස අර්ථකථනය කරල තිබුනා සහ තේරුම් අරගෙන තිබුනා.එක එක මානයන් වලට ගිහින් මේ නිසඳැස දිහා බලලා තිබුනා.මගේ පෝස්ට් එකකට ලැබුනු වැඩිම කමෙන්ට්ස් (13) ගනන ලැබුනෙත් මේකට.

හැමෝගෙම අදහස් සමග එකඟ වෙනවා සහ හැම එකක්ම අගයත් කරනවා.මම මේ නිසැඳසින් කියන්න උත්සහකලේ අපි එකමුතු වෙමු කියලයි.. කොඩිය යටට එන්නකියල අදහස් කලේ ජාති,ආගම්,කුල මෙකී නොකී හැම දෙයක්ම අත ඇරලා අපි එකතු වෙමු, ඊට පස්සේ අපේ පෙදු සතුරන්ට (LTTE ඇතුළු අපේ රටට විරුද්ධ හැම කොටසකටම) එරෙහිව නැගී ඉමු කියන එකයි මම අදහස් කලේ.සතුටුයි හැමෝම මේ නිසඳැස ගැන දක්වපු අදහස් වලට.මේ සහයෝගය මේ විදිහටම ඉදිරියටත් බලාපොරොත්තු වෙනව.