අඹේපුස්ස තානායමට ගොඩ වැදුනෙමි..

ලියන්නෙ මොනවද කියල හිත හිතා ඉන්දැද්දී මතක් උනේ අඹේපුස්ස තානායම ගැන කට්ටියටම කියන්න හිතාගෙන හිටිය කියල. හැම සති අන්තයටම නුවර යද්දි බඩ පණුවන් සනසා ගන්න අඹේපුස්ස අවන්හලෙන් කෙටි කෑම කාලාම එපා වෙලා නිසා තීරනය කරා ඒ ඉස්සරහම තියෙන අඹේපුස්ස තානායමට යන්න.

යද්දි දවල් කෑම වෙලාව ලං වෙලා. ඉතිං හොඳට ඉඩ කඩ තියෙන රථ ගාලෙ බය නැතුව වාහනේ නවත්තලා ගියා ඇතුලට. බුෆේ (Buffet) ක්‍රමයට දවල් කෑම. මම බෙදාගත්තෙ කහ බත්, දැක්කම නොකා ඉන්න හිත දුන්නෙම නැති කුකුළු මස් කරියයි කිරට හදල තිබුන රහම රහ පාට අල (කනකොටයි දැනගත්තෙ මඤඤොක්කා කියල) කරියකුයි පොල් සම්බෝලයක් සමග තෙල් දාපු කීරමින් කරවල. එක් අයෙකුට රු.600.00 (වැඩිද මංදා.)

තව හුඟක් ජාති තිබුනා ඒ උනාට මම බෙදාගත්තෙ ඔච්චරයි.  හරිම නිස්කලංක තැන.Hubby ගෙ හිතට හොඳට අල්ලලා. පාඩුවෙ ඉඳගෙන තැඹිලි ගෙඩි දෙකකුත් ගෙන්න ගෙන කෑම කන අතරෙ මේසෙ ලඟට calypso සංගීත කන්ඩායමක් ආවා. අපි ඉල්ලපු හැම සිංදුවක්ම හරිම ලස්සනට  කිව්වා. ඇත්තමයි… මට හිතුනෙ අපේ හෝටල් සංස්ථාව දියුනු කරල ගත්තනම් කොයි තරම් හොඳ ආදායමක් ලබන්න තිබ්බාද?.. ඒකත් විකුනගෙන කෑවානෙ.සුද්දා හදපු පරන තාලෙ බිල්ඩිම උනාට ලස්සනට නඩත්තු කරලා. Wash rooms  හරිම පිරිසිදුයි. ඇත්තමයි  ආගන්තුක සත්කාරයත් හරිම ඉහලයි. මම Guest Book එකක් තියෙනවාද කියල අහන්න හදනකොට Hubby කිව්වා ඊට වඩා හොඳයි අපි දන්න අඳුරන හැමෝටම මේ තැන ගැන කියමු කියලා.

ඉතිං මගේ යාළුවනේ මං හිතුවා ඔයාලටත් කියන්න. අඹේපුස්ස හරහා යන එන අතරමගක ගොඩ වැදිලා බලන්න.

Advertisements